Италијанскиот фудбал повторно се најде во центарот на голем скандал, откако полицијата во Милано разби мрежа за луксузна проституција за која се сомнева дека имала клиенти меѓу фудбалери од Серија А.
Според истрагата што ја води обвинителството во Милано, криминалната група функционирала под агенција за организација на настани, но всушност нудела ексклузивни пакети наменети за богати клиенти. Во тие аранжмани, како што се наведува, биле вклучени ноќни забави во елитни клубови и луксузни хотели, придружени со сексуални услуги.
Истрагата покажува дека станува збор за бизнис вреден над 1,2 милиони евра. Финансиската полиција веќе ги конфискувала средствата и вовела мерки против четворица осомничени. Во документите се посочува дека меѓу клиентите имало и познати фудбалери од Серија А, но засега никој од нив не е формално под истрага.
A #Milano un giro di #escort di lusso nei locali alla moda. Tra i clienti ci sono anche calciatori di Serie A e un pilota di Formula Uno. La Guardia di finanza sequestra oltre un milione di euro.#Tg1 Stefano Fumagalli pic.twitter.com/ic0ZjxyZuC
— Tg1 (@Tg1Rai) April 20, 2026