Силекс со пресврт во вториот дел ја шокираше Струга

Дербито во 18. коло во ПМФЛ му припадна на Силекс, клубот од Кратово со пресврт во второто полувреме ја совлада Струга со 2-3.

Струга врза два порази на почетокот од вториот дел од сезоната во ПМФЛ, па падна на третата позиција на табелата, и сега има седум бода помалку од лидерот Вардар.

Попладнево, Струга ја загуби пресметката против Силекс, и покрај тоа што во два наврати имаше предност.

Радески погоди во 22. минута за 1-0, а откако Алиќ изедначи на 1-1 на стартот од вториот дел, Компаоре ги врати домаќините во предност од 2-1 по еден час игра.

Сепак, Силекс преку Николовски стигна до 2-2, за Пиреш да реализира во 85. минута за 2-3 и комплетен пресврт.