Хамес Родригез се договори со нов клуб

Колумбиската ѕвезда кој со текот на кариерата стана попознат по настапите во репрезентација отколку во клуб, има нова средина.

Родригез се договорил со Минесота Јунајтед и ќе настапува во МЛС каде оди како слободен играч.

Наскоро треба да бидат завршени формалностите и тој да го потпише договорот.

Негов последен клуб беше Леон од Мексико.

Најдобрите денови во клупскиот фудбал, Хамес ги имаше во Реал Мадрид, претходно настапуваше и за Порто и Монако, а после Реал се пресели во Баерн. Откако потпиша за Евертон неговата клупска кариера почна да се движи во надолна линија, но за репрезентацијата на Колумбија секогаш игра во голема форма.