Ќерката на легендарниот Денис Родман испиша историја и стана најплатената фудбалерка во светот

Тринити Родман испиша историја, фудбалерката од САД стави потпис на нов договор со Вашингтон Спирит и во иднина ќе заработува преку еден милион долари годишно, со што ќе биде најплатена во светот.

Аитана Бонмати три години по ред ја освојува „Златната топка“, но таа сега е во сенка на Тринити Родман.

Ќерката на легендарниот НБА кошаркар Денис Родман, стави потпис на нов договор со Вашингтoн Спирит и ќе биде најплатена во светот кога е во прашање женскиот фудбал.

Се говори дека во иднина таа ќе заработува преку еден милион долари годишно, а како што пренесува ЕСПН, сумата може да се искачи и до 2 милиони долари со бонуси.