72
Со доаѓањето на Обамејанг и Мхитарјан, Озил ја препозна амбицијата на Арсенал и се реши да го продолжи договорот кој му истекуваше на крајот од сезоната.
Веста за новиот договор на Озил стигна веднаш по потврдата дека Обамејанг е ново засилување за Арсенал.
29-годишниот Германец ќе стане најплатениот фудбалер во историјата на Арсенал со бруто плата од 350.000 фунти неделно (во сумата се вклучени и даноците кои треба да ги плати)
Арсенал во јануарскиот преоден рок покажува амбиција каква што одамна посакуваа фановите. Топчиите ќе имаат симпатична офанзива со Обамејанг, Лаказет, Озил и Мхитарјан, но во наредниот преоден рок управата ќе треба сериозно да поработи и на средниот ред и дефанзивата.