Треба уште два трансфери да се случат за Обамејанг да потпише за Арсенал

Арсенал и Борусија Дортмунд ја договорија трансфер сумата за Емерик Обамејанг, фудбалерот ги договори личните услови со лондонскиот клуб, но Германците ќе дадат зелено светло само кога ќе ја договорат неговата замена.

Се зависи од Оливие Жиру, тој треба да потпише за Челси, а од Стемфорд Бриџ Батшутаи да се пресели во Борусија Дортмунд и да биде замена за Обамејанг.

Обамејанг во Арсенал, Жиру во Челси, Батшуаи во Борусија Дортмунд. Тоа се трите трансфери кои зависат еден од друг и се очекува да се случат денеска, најдоцна утре.

Жиру и Батшуаи сакаат да имаат првотимски статус во пресрет на Светското првенство во Русија, а тоа го немаат во сегашните клубови, па нивните заминувања се логични, но треба да се договорат деталите.