Јувентус не блескаше, но погодуваше за три бода против Сасуоло (ВИДЕО)

По ремито со Лече во претходното коло, Јувентус вечерва се врати на победничките патеки, славејќи убедливо со 3-0 на гостувањето кај Сасуоло.

„Старата дама“ не прикажа спектакуларна игра, но за разлика од минатиот натпревар, овојпат беше далеку поефикасна во завршницата.

Јувентус поведе во 16. минута, а во погодокот имаше и доза на среќа. По нафрлувањето на Калулу, дефанзивецот Мухаремовиќ несреќно ја погоди сопствената мрежа.

⚽️ Tarik Muharemović 16' (OG)

🇮🇹 Sassuolo 0-1 Juventuspic.twitter.com/Gu9D8ZMZJ7

— Goals Xtra (@GoalsXtra) January 6, 2026

Тоа беше единствениот гол во првиот дел, а во продолжението гостите експресно го решија прашањето околу победникот. Во рок од само една минута, Јувентус постигна уште два погодоци, најпрво Мирети се запиша во листата на стрелци во 62. минута, а веднаш потоа Дејвид ги постави конечните 3-0.

⚽️ Wow. Another goal by Juventus. Jonathan David scores after one minute.

🇮🇹 Sassuolo 0-3 Juventuspic.twitter.com/ftmlm0iX0Y

— Goals Xtra (@GoalsXtra) January 6, 2026

Претходно денеска победа забележа и Рома која е во борба за четвртата позиција со Јувентус. „Волчицата“ го совлада Лече со 2-0.