Роналд Араухо веќе го одигра последниот меч за Барселона?

Барселона се најде во сериозни маки поради влошената психолошка состојба на Роналд Араухо. Шпанските медиуми јавуваат дека Уругваецот тешко ги поднел критиките по грешките и црвениот картон против Челси на „Стемфорд Бриџ“, што довело до длабока криза во неговото секојдневие.

Араухо побарал дозвола да се повлече од тимот на неопределено време, а во клубот постои страв дека неговото ментално здравје е сериозно нарушено. Дел од извештаите дури тврдат дека можеби веќе го одиграл последниот натпревар за каталонскиот клуб.

Барселона му даде целосна поддршка и време за опоравување, но истовремено разгледува нови решенија во одбраната затоа што неговото отсуство отвори голема празнина што мора брзо да се пополни.