Нов тренер стара желба, Торино го сака Несторовски за да брка настап во Европа

Торино е во потрага на нов голгетер, а и покрај промената на тренерот, Илија Несторовски останува цел на „Биковите“.

Денешното издание на Тутоспорт вели дека Торино сака да го спои Македонецот со Андреа Белоти и да брка настап во Европа.

Весникот сепак нагласува дека една ваква зделка во јануари е речиси невозможна бидејќи Палермо во овој момент не сака да слушне за продажба на „Нестогол“.

„Сицилијанците“ сакаат експресно да се вратат во Серија А, Илија Несторовски е нивниот прв играч, па знаат дека задачата ќе им биде драстично отежната доколку капитенот замине.

Па многу поверојатно е двата клуба да постават основа за трансфер кој ќе треба да се случи по крајот на сезоната.