Реал Мадрид посилен за два играчи од средниот ред за стартот на ЛШ

Чаби Алонсо конечно може да смета на целосен среден ред пред дуелот со Олимпик Марсеј во Лигата на шампионите.

Џуд Белингем се врати на тренинзите на Реал Мадрид откако успешно ја мина операцијата на рамото. Англискиот репрезентативец реши хируршки да го реши хроничниот проблем и по два месеци пауза повторно е на располагање. Заедно со него во тимот се врати и Едуардо Камавинга, што е уште една голема вест за Алонсо.

Белингем е клучна фигура во играта на Реал и останува да се види како шпанскиот стратег ќе го вклопи во својот систем по паузата. Од голема помош се очекува да биде и Камавинга, па Алонсо ќе има две опции повеќе во средината.