Галатасарај и Наполи имаат вербален договор за трансфер на Виктор Осимен, конечната бројка може да биде 80 милиони евра, наместо 75 милиони колку што изнесува откупната клаузула.
Трансфер сагата на Виктор Осимен е пред крај, Наполи и Галатасарај постигнале вербален договор.
Веста прв вечерва ја објави новинарот Јагиз Сабунџуоглу, кој на социјалните мрежи објави дека паднал договор за зделка вредна 80 милиони евра, клаузула со која се оневозможува продажба на клуб од Италија во период од 2 години, како и 10% од следна продажба.
🚨 Galatasaray, Victor Osimhen transferi için Napoli ile her konuda anlaşmaya vardı.
— Yağız Sabuncuoğlu (@yagosabuncuoglu) July 20, 2025
• 80 milyon euro bonservis bedeli
• 2 yıl İtalyan kulüplerine satılamaz maddesi
• %10 satıştan pay https://t.co/jeVCBbxDHI
Потоа со информација излезе и Фабрицио Романо, кој откри повеќе детали.
Галатасарај ќе плати 40 милиони евра веднаш, додатни 35 милиони евра во период од една година, како и бонуси поврзани со голови во висина од 5 милиони евра.
Наполи ќе добие и 10% од профитот од следната продажба, како и клаузула со која ќе се избегне трансфер на Виктор Осимен во клуб од Серија А во следните две години.