Легендата на Манчестер Јунајтед, Рој Кин јавно го критикуваше Ерлинг Халанд.
Норвежанецот во текот на сезоната често пати беше на мета на Кин, пред неколку недели изјави и дека игра на ниво на напаѓач за четврта лига, а сега следуваа нови „отровни стрели“ по мечот помеѓу Сити и Вулверхемптон.
Халанд одигра одличен натпревар и постигна четири гола во победата од 5:1, но кога Гвардиола го замени во 82. минута на клупата покажа незадоволство. Таквата ситуација Кин како едвај да ја чекаше за да го критикува.
„Ја видовме неговата реакција кога беше заменет, не беше среќен, изгледаше како разгалено дете. Таквите работи сега се забораваат бидејќи постигнува голови и Сити победува, но не е во ред“, изјави Кин.
Кин Халанд кој сезонава постигна 36 гола на 41 натпревар, а минатата 52 на 53 средби го опиша како нисколигашки играч.
„Неговата вкупна игра е многу слаба. Пред голот е најдобар во светот, но кога ќе се погледне целата слика е многу лош. Играта му е на ниво на играч од англиската четврта лига. Тоа мора да го поправи и мора што побрзо да поработи на тој сегмент“, изјави во таа прилика Кин.