Како и Арсенал претходно и Манчестер Сити без премногу проблеми си ја заврши работата и славеше против Вулвс во рамките од 36. коло во Премиер лигата.
Денеска Пеп Гвардиола го имаше расположениот Ерлинг Халанд кој постигна четири од петте гола на Манчестер Сити.
Убедливата победа на „граѓаните“ беше најавена по само 12 минути кога Норвежанецот го постигна својот прв гол на натпреварот. До крајот на првиот дел Халанд веќе комплетираше хет-трик, а Сити имаше водство од 3:0.
Голот за утеха за Вулвс беше дело на Хванг Хе-Чан во 53. минута, а само минута подоцна Халанд стрелаше и четврти пат. Во завршницата од средбата Хулијан Алварез се погрижи за конечните 5:1.
На табелата Манчестер Сити сега се враќа на минус еден бод во однос на Арсенал (83), но „граѓаните“ имаат и натпревар помалку, па така до крајот во последните две кола се е во нивни раце.
ГОЛОВИТЕ ОД НАТПРЕВАРОТ МОЖЕТЕ ДА ГИ ПОГЛЕДНЕТЕ – ТУКА.