Вулверхемптон му врачи отказ на Переира по ужасниот старт на сезоната

Раководството на Вулверхемптон реши да стави крај на соработката со тренерот Витор Переира по само десет кола во Премиер лигата.

Португалецот ја презеде клупата на „волците“ во декември минатата година и тогаш успеа да го спаси тимот од испаѓање, но оваа сезона почетокот беше катастрофален.

Волвс по десет натпревари има само два освоени бода, без ниту една победа и со најлоша гол-разлика во лигата.

По серијата од осум порази и две ремија, во клубот проценија дека е време за промена и дека тимот има потреба од нова енергија. Заедно со Переира заминува и целиот негов стручен штаб.