Македонскиот фудбалер на Бачка Топола, Мартин Мирчевски во игра влезе во судиското продолжение кога се беше решено.
ТСЦ поведе по три минути игра во второто полувреме со гол на Станиќ. Предноста ја држеа до 66. минута кога Петровиќ си постигна автогол за 1-1.
Само четири минути подоцна Кудус реализираше за комплетен пресврт и водство на Вест Хем од 2-1, а Соучек во 82. минута ги постави конечните 3-1.
За Брајтон денеска беше историски ден, првпат играше во Европа, но нема да го памети по добро, на свој терен загуби од АЕК со 3-2.
Грчкиот тим поведе во 11. минута со гол на Сидибе, во 30. минута Жоао Педро од пенал изедначи на 1-1.
На пет минути пред крајот на првиот дел Гачиновиќ го врати водството на АЕК, а во 67. минута стигна изедначување на ист начин, Жоао Педро од пенал погоди за 2-2.
Во 84. минута Понс погоди за предност на АЕК од 3-2, овојпат Брајтон немаше време за да изедначи и покрај тоа што имаше долго судиско продолжение.
Супер интересно беше на мечот меѓу Ајакс и Марсеј кој заврши 3-3. Два од погодоците на францускиот тим беа на Обамејанг.
Аталанта со 2-0 славеше над Раков, Олимпијакос дома загуби од Фрајбург со 3-2, Ренџерс со 1-0 го победи Бетис, Спарта Прага со 3-2 беше подобра од Арис Лимасол, гостинска победа обезбеди Спортинг кај Штурм со 3-2.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.