Тотнем синоќа го загуби дербито од Ливерпул, но го загуби и Кејн кој на полувремето остана во соблекувалната поради повреда.
Во текот на првиот дел, двапати му беше укажувана лекарска помош, еднаш по старт на Тиаго и еднаш по старт на Хендерсон.
„Има повреда на двата зглоба и тој рече дека може да се справи со една болка и веројатно ќе продолжеше доколку беше повреден само на едниот зглоб, но рече дека со два повредени зглоба е многу болно и не можеше да продолжи“, вели Мурињо.
„Тој е момче кое се жртува за тимот и доколку можеше да го доигра мечот сигурно ќе го направеше тоа“.
„Кога тимот губи а Кејн поради повреда мора да излезе, тогаш знаете дека тоа не е мала повреда. Не можам точно да кажам колку долго ќе отсуствува, треба да почекаме и да видиме. Но мислам дека ќе биде неколку недели“.