Вечерва ПСЖ ќе влезе како фаворит против Аталанта во дуелот од Лигата на шампионите, но тренерот Тухел знае дека Аталанта не е наивен тим.
„Тешко е да се игра против Аталанта. Ова е голем предизвик, можно е се да се случи“, вели Тухел.
„Аталанта има уникатен стил на игра, еден на еден по целиот терен. Напаѓаат со седум играчи во противничката половина. Ќе биде тактички меч, но исто и психолошки натпревар. Тие постигнуваат многу голови и се одличен тим. Има шанси да наоѓаме празнини, но треба да одиграме добро“.
Тухел вели дека притисокот врз Нејмар е секогаш голем бидејќи сите го гледаат како главна ѕвезда кој треба да ја направи разликата.
„Секогаш има голем притисок врз Нејмар. Не можете да замислите колкав е притисокот врз Неј. Но тој го сака тоа, знае како да игра под притисок“.
„Тој ги сака големите натпревари. Нејмар е играч на кого можете да му верувате во овие натпревар. Уверен сум дека ќе има одличен перформанс, клучевите за успех се кај него, има менталитет за вакви ситуации“.