Во недела се игра првото дерби во Премиерлигата оваа сезона, Челси го пречекува Тотнем. Ривалите од Лондон минатата сезона се сретнаа четири пати, и на сите четири натпревари победија „сините“.
По поразот на вториот натпревар во Лига Купот, Антонио Конте изјави дека разликата помеѓу двата клуба е многу голема и ќе бидат потребни години за да се намали.
„Му се восхитувам на Антонио Конте, но не верувам во се што ќе каже пред натпреварите и по натпреварите. Никогаш не сум осетил дека има голема разлика помеѓу двата клуба. Натпреварите беа изедначени, знам колку труд вложивме и на какво ниво одигравме за да победиме на тие четири натпревари“ – вели Томас Тухел.
„Тие имаат талентиран и конкурентен состав, Конте каде и да работи, неговиот тим се натпреварува за сите трофеи“.