Тотнем оствари голем триумф и се наоѓа на чекор до четвртфиналето во Лигата на шампионите, Борусија прими три гола, не даде ниту еден и ќе им треба чудо пред своите навивачи за да го поминат англискиот тим.
Првото полувреме помина мирно, клучните моменти се случија во вториот дел кога домаќините тргнаа по одлучно кон голот на Бурки и рано го отворија резултатот.
По центаршут на Вертонген во 47. минута, Сон се најде во идеална позиција и погоди за водство на Тотнем од 1-0.
Во 83. минута речиси идентичен гол, овој пат Вертонген беше стрелец по асистенција на Орие.
Само три минути подоцна Фернандо Љоренте по додавање од Ериксен ги постави конечните 3-0.
Интересно беше во Амстердам каде Ајакс може да жали што загуби од Реал Мадрид. Кралскиот клуб победи со 2-1 и направи крупен чекор кон четвртфиналето.
И на овој меч беше 0-0 на полувремето, но мрежите не мируваа. Ајакс даде гол, кој беше поништен од ВАР поради офсајд. Домаќините имаа и две стативи во овој дел од мечот.
По 15 минути игра во вториот дел Бензема му донесе водство на Реал Мадрид, но 15 минути подоцна Ајакс изеднчи преку Зијек.
Пред самиот крај на натпреварот, во 87. минута, нововлезениот Асенсио постигна гол за победа на Реал Мадрид од 2-1.