Со доаѓањето на Златан Ибрахимовиќ, Милан почна да бележи резултати кои фановите долго време ги чекаа. Росонерите најпрво станаа конкурентен тим и влегоа во Лигата на шампионите, а потоа го освоија и Скудетото.
Ибрахимовиќ не се изнаигра многу, но тој е човекот кој го промени менталитетот на тимот, им даде самодоверба на фудбалерите, им кажа дека се победници и треба да веруваат во големи нешта, и резултатите дојдоа.
Фикајо Томори го кажува токму тоа, значењето на Ибрахимовиќ за резултатите на Милан.
„Ибра има голем карактер, неговиот глас беше со нас дури и кога тој не играше. Тој ќе ни кажеше „Треба да бидеме гладни како кучиња, први сме, но уште не сме направиле ништо“, открива Томори.
„Кога имате играч како него во соблекувалната, духот кај сите фудбалери се зголемува“.