Тен Хаг: Среќен сум што Роналдо е со нас

Тен Хаг беше разочаран од одлуката на Роналдо да си оди пред крајот на мечот со Рајо Ваљекано, па на денешната прес конференција тој беше прашан што мисли за Португалецот.

„Навистина сум среќен со Кристијано Роналдо. Имаме топ напаѓач. Тој е тука со нас во составот“, вели Тен Хаг.

„Има многу фудбалери кои си заминале порано, а во фокусот е само Кристијано, тоа не е добро. Треба да истражите, да ги кажете и другите“.

За шансите Роналдо да стартува против Брајтон, Тен Хаг рече: „Ќе видиме во недела“.