Тадиќ бил нападнат од ограбувачи, заработил и повреда

Според холандскиот „Де Телеграф“, Тадиќ бил пресретнат пред својот дом од двајца вооружени разбојници со ножеви кои на себе носеле кациги со цел да не им се видат лицата.

Нивната намера била да го украдат скапиот часовник на Тадиќ, но српскиот фудбалер немал намера да попушти па бил нападнат од еден од ограбувачите по што заработил и полесни повреди.

Откако им станало јасно дека Тадиќ нема намера да им го даде тоа што сакаат, ограбувачите во паника да не бидат фатени заминале со мотоциклот со кој и дошле.

Тадиќ веднаш заминал до најблискиот ресторан, го рпијавил случајот, а пред неговиот дом сега има поставено посебно обезбедување.