Сè уште сме во воведната фаза од Лигата на шампионите, но по третото коло, кое е на програмата денеска и утре полека ќе почне да станува поинтересно. Рекордните 78 гола во второто коло, односно вкупно 147 од почетокот на сезоната, покажуваат дека во просек се постигнуваат 4,08 гола по натпревар.
Зголемувањето на бројот на голови нè враќа во некое минато време и во ерата на Купот на шампионите. Екипите очигледно играат поопуштено, што им го овозможи новиот формат воведен пред три сезони.
Во ова коло ќе имаме два навистина големи дерби-натпревари, а првиот е на програмата во Париз, каде што актуелниот европски шампион ја пречекува моќната Барселона.
На сцената овој вторник ќе бидат и екипи како Манчестер сити, Атлетико Мадрид, Ливерпул… Баерн и Арсенал играат еден ден подоцна, но повеќето би рекле дека натпреварот на „Паркот на принцовите“ сепак се очекува со најголемо нетрпение.
Претходната пресметка во лигашката фаза минатата сезона им припадна на парижаните на „Монжуик“ (2:1), благодарение на доцниот гол на Гонзало Рамош. „Светците“ овојпат играат на домашен терен и, иако двата тима имаат проблеми со повредени фудбалери, очекувањата се големи кога станува збор за квалитетот на фудбалот.
Барселона руши рекорди во Ла Лига, стремејќи се кон третата последователна титула, но овој предизвик сепак е малку поинаков. ПСЖ имаше слаб почеток на сезоната, но го декласираше Манчестер Сити во минатото коло. „Граѓаните“ губеа со 3:0 на полувремето на „Етихад“, а на крајот загубија со 4:2 во спектакуларен натпревар.
Лига на шампиони – 3. коло
Вторник
- 18:45 Фенербахче – Славија Прага
- 18:45 Сабах – Борусија Дортмунд
- 21:00 Рома – Слован Братислава
- 21:00 Ливерпул – Виљареал
- 21:00 Манчестер сити – АЕК
- 21:00 Наполи – Боде/Глимт
- 21:00 Порто – ПСВ Ајндховен
- 21:00 ПСЖ – Барселона
- 21:00 Штутгарт – Атлетико Мадрид