Славен Билиќ ќе води репрезентација на СП?

Славен Билиќ е во преговори со Фудбалска асоцијација на Гана и би можел да стане нов селектор на Гана.

Според медиумите, Билиќ веќе имал разговори со челниците и е еден од главните кандидати за позицијата, по отказот на Ото Адо. Во игра се и имиња како Карлос Кеирош и Фернандо Сантос. Најверојатно, доколку дојде до договор, тој би бил краткорочен до крајот на Светското првенство во САД, Мексико и Канада.

Билиќ е без ангажман од 2024 година по заминувањето од Ал-Фатех, а најголем успех имаше како селектор на Хрватска.

За него ова би било враќање на големата сцена, додека Гана со играчи како Мохамед Кудус се надева на силен настап на Мундијалот.