„Граѓаните“ му дозволија на Ливерпул да се одлепи откако неочекувано загубија на домашен терен против Кристал Палас, а потоа останаа и со празни раце на гостувањето кај Лестер. Избранциите на Пеп Гвардиола сепак не дозволија трет пораз во низа и попладнево триумфираа на „Сент Мерис“ против Саутемптон.
По една одлична акција, Давид Силва го отвори резултатот во 10. минута, но слично како и на претходните два натпревари, Манчестер Сити му дозволи на противникот да се врати во игра. Хојберг во 37. минута донесе 1-1.
Сепак, шампионот на Англија се врати во водство во 45. минута со доста доза на среќа. Стерлинг нафрли а Ворд Праус ја закачи топката и го измами својот голман. Во третата минута од судиското надополнување на првиот дел, Агуеро скокна највиско во петерецот и погоди за 1-3 со што беа решени сите дилеми околу победникот.
Со овие три бода, „граѓаните“ се вратија на -7 во однос на Ливерпул и најавија големо дерби на Етихад на 3. јануари, кое може во голема мера да ја одреди трката за титулата.
На вториот натпревар кој започна во 15:15, Барнли на домашен терен го совлада Вест Хем со 2-0.