Андреа Пирло се соочува со неочекувани проблеми на патот кон селекторската функција на италијанската репрезентација.
Според информациите на „Скај Спорт“, најголема пречка во преговорите претставува неговата улога како глобален амбасадор на една руска обложувалница.
Токму овој комерцијален ангажман предизвика големи полемики во италијанската јавност, но и во редовите на Фудбалската федерација на Италија. Иако легендарниот играч од средниот ред важеше за главен фаворит за преземање на „аѕурите“, соработката со руската компанија создаде сериозни пречки и засега го одложува неговото официјално назначување.
Останува да се види дали Пирло сепак ќе седне на клупата на Италија, откако дел од тамошните медиуми објавија дека договорот е практично завршена работа.
Доколку неговото именување пропадне, главни кандидати за нов селектор на Италија се Антонио Конте и Роберто Манчини.
🚨🚨| JUST IN: Andrea Pirlo’s role as global ambassador for a 𝐑𝐔𝐒𝐒𝐈𝐀𝐍 𝐁𝐄𝐓𝐓𝐈𝐍𝐆 𝐀𝐆𝐄𝐍𝐂𝐘 is now causing controversy and issues in him becoming the head coach of Italy. 🇮🇹⚠️
— CentreGoals. (@centregoals) July 26, 2026
[@SkySport] pic.twitter.com/9M7lvNM7Bu