„Сапуницата“ на Ренато Санчез е пред самиот крај, фудбалерот наскоро ќе има нов клуб

Според „Л’Екип“, сумата за која постигнале договор ПСЖ и Лил е 15 милиони евра.

ПСЖ откако ослободи место со заминување на Вајнлдум во Рома, ќе се насочи кон комплетирање на ангажманот на Ренато Санчез кој долго ги чекаше парижаните.

Санчез имаше две опции, ПСЖ и Милан, тој одлучи да остане во Франција, но комплетирањето на зделката не се одвиваше со брзината со која тој посакуваше, росонерите будно ја следеа ситуацијата, но веќе е јасно дека нема да го добијат потписот на Португалецот.