Селекторот на Аргентина
го посети напаѓачот на Интер, Мауро Икарди, а за аргентинските медиуми истакна
дека е задоволен од тоа со какви фудбалери располага во пресрет на Мундијалот
во Русија идното лето.
„Убав проблем е кога
имате толку многу добри и пред се’ здрави фудбалери во националниот тим, фудбалери кои
минуваат убав период од своите кариери“ рече Сампаоли.
Тој притоа издвои и
нешто кое одекна како бомба низ повеќето светски медиуми, познато е дека Реал
Мадрид е сериозно заинтересиран за аргентинскиот напаѓач, а за ова потврда
стигна токму и од Сампаоли, кој додаде дека Икарди е пред преселба во Мадрид.
„Зборував со Икарди и му
реков да не се опушта, да остане на нивото на кое што е, само добрите ќе бидат
селектирани, истото важи и за него. Икарди е следен од Реал Мадрид, тој се
наоѓа пред голем предизвик, многу е блиску до тој клуб“ додаде Сампаоли.