Само што се врати, Азар повторно ќе биде во аут, тој и Касемиро се позитивни на ковид-19

Еден Азар штотуку се врати по паузата поради повреда и постигна супер гол во минатото коло, но ќе мора повторно да паузира, позитивен е на ковид-19.

„Реал Мадрид информира дека нашите фудбалери Касемиро и Азар добија позитивни резултати на ковид-19. Сите други фудбалери, стручниотштаб и сите вработени во клубот кои се во директен контакт со играчите се негативни на истото тестирање“, стои во соопштението на Реал Мадрид.

Азар беше и на списокот на селекцијата на Белгија за престојните мечеви од Лигата на нации, но нема да може да настапи за својата селекција.