Луис Назарио де Лима Роналдо вети дека ќе ја помине дистанцата од Ваљадолид до Сантијаго де Компостела доколку неговиот тим експресно се врати во Ла Лига.
Тоа се случи, па тој денеска се качи на велосипед и почна да го исполнува ветувањето. Се работи за пат долг околу 450 километри. На патешествието друштво ќе му прави неговата сопруга. Ќе поминуваат по неколку десетици километри дневно до крајната цел.
„Ветив дека доколку се вратиме во Ла Лига, ќе ја поминам делницата Камино де Сантиаго. Ќе го направам тоа со велосипед бидејќи не можам да трчам. Мојата сопруга и јас во недела го напуштаме Ваљадолид и ќе патуваме до Сантијаго де Компостела со велосипеди“, вели Роналдо.
„Ќе биде прекрасно. Знам дека ќе страдам физички, но ќе биде едно незаборавно искуство“.
¡Las promesas se cumplen!@Ronaldo inicia el Camino de Santiago pic.twitter.com/JF4oekNgFV
— Real Valladolid C.F. (@realvalladolid) June 5, 2022