Роналдо побарал од Манчестер јунајтед да одреди трансфер цена, напаѓачот имал понуда од ривал

Кристијано Роналдо и неговиот агент Жорж Мендеш оваа недела имаа средби со раководството на Манчестер јунајтед со цел да се најде решение за иднината на Португалецот, кој сака да го напушти Олд Трафорд.

Како што пренесува Сан, Кристијано Роналдо ги известил „ѓаволите“ дека има понуда од ривалски клуб и побарал да биде одредена трансфер цена за да може зделката да се комплетира.

Сан не открива информации за клубот кој сака да го ангажира Кристијано Роналдо и само додава дека одговорот на Манчестер јунајтед бил негативен, клубот стои на ставот дека нема да го продаде Португалецот.