Роналдо може да му стане соиграч на Елмас во Наполи

Роналдо сака да си оди од Манчестер јунајтед и да игра во клуб кој настапува во Лигата на шампионите, но нема многу гиганти кои го сакаат Португалецот.

Последните информации велат дека Наполи е заинтересиран за Роналдо, но би го земале само по поволни услови, намелена плата и без обесштетување, барем не големо.

Според „Атлетик“, тренерот на Наполи, Лучано Спалети во Роналдо гледа како замена за Лоренцо Инсиње кој си замина од клубот откако му истече договорот.

Со неубедливите активности на трансфер пазарот, се чинеше дека Наполи би можел да излезе од топ четири местата во следната сезона, но со ангажман на Роналдо сигурно ќе биде кандидат за највисоките позиции.