Иднината на
Кристијано Роналдо и понатаму е неизвесна, Жорж Мендеш е во постојан контакт со
гигантите ширум Европа и го нуди напаѓачот.
Според пишувањата
на Мирор, „ѓаволите“ скроиле план со кој сите страни ќе бидат среќни. Манчестер
јунајтед ќе го пушти Кристијано Роналдо во Атлетико Мадрид, но само на
позајмица и под услов Португалецот да стави потпис на нов договор до 2024.
При едно вакво
сценарио, Кристијано Роналдо ќе се врати на Олд Трафорд следната година, со
надеж дека ќе биде обезбеден настап во Лигата на шампиони и напаѓачот ќе добие
шанса на вистински начин да се збогува од клубот.
Мирор додава дека
Кристијано Роналдо и Жорж Мендеш биле изненадени од планот на Манчестер
јунајтед, но се уште немаат одговорено.
Во меѓувреме,
Тајмс пишува дека Атлетико Мадрид ќе се ослободи од Антоан Гризман за да отвори
простор за ангажман на Кристијано Роналдо.