Рома сериозно работи на трансфер на Вајналдум, реални се шансите Мурињо да добие ново големо засилување

Во Ливерпул блескаше, но Вајналдум не се снајде во ПСЖ, новиот тренер не смета на него, па тој не е ни дел од подготовките.

Вајналдум сака трансфер во Рома, тоа се гледа и од неговите активности на социјалните мрежи каде лајкуваше постови поврзани со трансферот на Дибала.

Сопствениците на Рома имаат одличен однос со бордот на ПСЖ, а одличен е и односот на Жозе Мурињо со новиот оперативец за трансфери на францускиот клуб, Луис Кампос, тие се долгогодишни пријатели.

Ваквите конекции може да влијаат за позитивен исход на зделката.

А формулата по која Рома сака да го донесе Вајналдум е едногодишна позајмица со можност за откуп од 15-20 милиони евра. Додека играчот е на позајмица неговата плата по половина ќе биде исплаќана од двата клуба.