Фудбалската репрезентација на Македонија од денеска ги почнува подготовките за престојните пријателски натпревари против Босна и Херцеговина и Турција.
Избраниците на Гоце Седлоски денеска пристигнаа во хотелот „Хилтон“ кој е скопската база на нашата репрезентација.
Македонските фудбалери кратко ќе се задржат во Скопје, брзо ќе отпатуваат кон Сараево каде во петок е закажан дуелот против Босна и Херцеговина.
Мечот против Турција го играме во Истанбул наредниот понеделник.
Со овие два натпревари вистински почнува селекторувањето на Гоце Седлоски, првата мисија е да се создаде конкурентен тим за Лигата на нации.
