Клаудио Раниери направи мини-чудо оваа сезона – успеа да ја врати Рома во живот и да ја донесе борба за Лигата на шампионите, иако долго време тимот се влечеше во долниот дел од табелата.
По триумфот над Верона, „волчицата“ стигна на само два бода од четвртата позиција, последната што носи билет за европската елита.
„Знаевме дека ќе биде тешко. Верона е физички моќна, имаат брзи напаѓачи и постојано притискаат. Ни требаше фокус од самиот старт и сите одиграа на високо ниво. Јас не сум решение на долг рок. Уште една година со мене би била изгубено време за Рома. Овој клуб заслужува повеќе“, беше искрен Раниери.
Со 57 освоени бодови, Рома е на дофат на Јувентус кој е четврти со 59, па новинарите веднаш го прашаа искусниот стратег дали можеби размислува да остане и наредната сезона. Иако го запали пламенот на надежта, Италијанецот очигледно останува доследен на својот план – да го стабилизира тимот и потоа да се повлече.