190
Врз Серхио Рамос денеска ќе биде извршена операција на менискус на коленото. Тој е надвор од теренот од 12. јануари кога се повреди во полуфиналето од Суперкупот.
Три недели тој беше на посебен третман, но болките не поминувале, по што е решено повредата да се санира со операција.
Рамос би требало да паузира од шест до осум недели, а тоа значи дека ќе ги пропушти дуелите против Аталанта од Лигата на шампионите.