Ерлинт Халанд
беше исмејуван откако имаше неколку големи промашувања против Ливерпул во
Комјунити Шилд, но една недела подоцна пристигнуваат пофалби од сите страни
откако напаѓачот два пати погоди против Вест Хем во дебито во Премиерлигата.
„За млад
фудбалер, има огромна самодоверба. Ме потсетува на Руд ван Нистелрој, немилосрден
финишер“ – вели поранешниот фудбалер на Манчестер јунајтед, Пол Сколс.
„Кога ќе избие
сам пред противничкиот голман, чувствувате дека ќе погоди, чувствувате дека
нема да му даде шанса на голманот да интервенира. Погледнете го и пеналот, беше
толку убеден дека ќе погоди, се намести и ја испрати топката во долниот агол“.
„Имаше одлично
деби, мислев дека ќе му треба време да се прилагоди но погрешив. Момчево
навистина е квалитетно. Постигнува голови, одлично се движи… сон на играчите
кои играат позади него!“