Ајакс – Реал Мадрид,
односно Тотенхем – Борусија Дортмунд, тоа се двете осминафинални пресметки за
вечерва, бранителот на европскиот трофеј сигурно нема да има лесна задача
против екипата која во никој случај не смее да се потцени, а сигурно интересно
ќе биде и на Вембли.
Во фокусот на
вниманието ќе биде Френки де Јонг, идното, веќе договорено засилување за
Барселона, каде ќе се пресели на лето, а младата ѕвезда на Ајакс ќе има голема
мотивација уште вечерва да се докаже против најлутиот ривал на Каталонците.
Ајакс вечерва ќе
настапи офанзивно против фаворитот со формација 4-2-1-3, Нерес, Зијех и Тадиќ
ќе бидат во ударната тројка од нападот, за издвојување е тоа што српскиот
напаѓач игра во одлична форма и сигурно ќе биде прва закана кон голот на
гостите кои играат во формација 4-3-3, а нивниот напад ќе биде составен од
Бензема, Бејл и Винисиус.
Тотенхем без Хари
Кејн ќе мора да оди на позитивен резултат против Борусија Дортмунд на домашен
терен, пред реваншот кој ќе го одигра на терен на противникот, а домаќините ќе
играат со двајца напаѓачи, Сон и Мура, веднаш зад нив ќе биде Ериксен кој ќе
мора да им сервира добри топки на обајцата.
На спротивната
страна, кај Борусија Дортмунд најистурен во нападот ќе биде Марио Гоце, кој ќе
биде осамен во тој дел од играта, Бундеслигашот вечерва ќе игра во формација
4-2-3-1.
