Со голот од
пенал, дело на Бруно Фернандеш, Манчестер јунајтед синоќа успеа со крајни
напори да го скрши отпорот на Копенхаген во четвртфиналето од Лига Европа, а по
крајот на мечот, камерите регистрираа и една мошне интересна конверзација.
Шефот на
стручниот штаб на Манчестер јунајтед, Оле Гунар Солшер, по мечот разговараше со
плејмејкерот на Копенхаген, Хозе Зека, а во разговорот Норвежанецот јасно
посочи кој е главниот виновник за последните успеси на неговиот тим кој јасно е
дека се развива во брз ритам.
„Ти благодарам
многу за сето тоа што го стори во Манчестер“ му рече Зека на Солшер, очигледно тој е голем навивач на „Црвените ѓаволи“, а веднаш по тие негови коментари, следеше и одговор од Солшер.
„Се обидуваме да
се вратиме, тој (Фернандеш) ни помага, ова момче ни помага“ му возврати Норвежанецот.