Пиоли е позитивен на ковид-19, откажан е денешниот тренинг на Милан

Нов позитивен случај на ковид-19 во Милан, овој пат тоа е тренерот Пиоли.

„Милан сака да информира дека Стефано Пиоли е тестиран позитивно на ковид-19 по брзиот тест направен утрово. Здравствените власти се информирани, тренерот кој засега нема симптоми замина во домашен карантин. Сите други тестови на играчите и стручниот штаб се негативни. Поради ова денешниот тренинг е откажан. Тимот на тренинзи се враќа во понеделник“, стои во соопштението на Милан.

Претходно од овој клуб позитивни беа Златан Ибрахимови, Џиџи Донарума, Јенс Петер Хауге и Матео Габиа.