Пике беше еден од четворицата играчи на Барселона, покрај Тер Штеген, Ленгле и Френки де Јонг кои за време на кризата прифатија да играат за помала плата, но тоа што го загубија тогаш да им биде исплатено во овие две години.
Сега Пике станува единствениот кој се откажува од долгот кој Барселона му го должеше за претходното намалување на платата. Договорот на Пике со Барселона кој трае до 2024 година, се враќа на првичната негова сума.
За разлика од него Тер Штеген, Ленгле и Френки де Јонг не се откажуваат од тоа што им беше ветено.
Тоа е и главната причина поради која Барселона сака да го продаде Де Јонг, неговите големи плати со вкалкулирани долгови кои треба да ги добие од клубот.
Барселона дури и му се закани на Де Јонг дека може да го поништи тој договор кој е направен од поранешното раководство и дека ако не сака да си оди, ќе го даде на суд.