Екипата на Партизан тргнува во потрага по старата слава, а клучот за успехот, според раководството, лежи во враќањето на докажани фудбалери кои некогаш го носеа црно-белиот дрес со гордост.
За летниот преоден рок, белградскиот гигант веќе има план и тоа амбициозен. Според изјавата на генералниот директор на клубот, Данко Лазовиќ, Партизан воспоставил контакт со дури петмина свои поранешни играчи: Адем Љајиќ, Стефан Јоветиќ, Матија Настасиќ, Саша Брашанац и Ренато Петровиќ.
„Разговарав со сите нив. Сите се фудбалери кои знаат што значи да се освојуваат трофеи со Партизан. Се надеваме дека барем некој од нив ќе се врати ова лето“, изјави Лазовиќ за српските медиуми.
Клубот сака да постави темели врз база на искусни и проверени домашни фудбалери, кои можат да бидат столб на тимот во борбата за титули на домашна сцена, но и натпреварите во Европа.