Финалниот натпревар на Светското првенство би можел да остане запаметен и како последниот настап на Лионел Меси во дресот на аргентинската репрезентација.
Шпекулациите за можното повлекување дополнително ги засили неговиот долгогодишен соиграч Леандро Паредес, кој со својата изјава навести дека капитенот можеби веќе ја донел конечната одлука за репрезентативната кариера.
„Мислам дека тој веќе донел одлука. Се надевам дека не е така и дека ќе продолжи да игра, но одлуката е негова. Што и да го прави него среќен, ќе нè направи среќни и нас“, изјави Паредес.
Иако зборовите на Паредес предизвикаа бројни реакции, Меси сè уште не се огласил за својата иднина. По настапот на Мундијалот, каде што повторно беше меѓу најдобрите фудбалери на турнирот и одигра значајна улога за Аргентина, легендарниот напаѓач не откри дали ќе продолжи да настапува за националниот тим.
🇦🇷Paredes confirma que la Final del Mundial fue el último partido de Leo Messi con la Selección:
— Diario SPORT (@sport) July 24, 2026
💔"Creo que él ya había tomado la decisión"
🥹"Ojalá no sea así, y ojalá siga jugando, pero la decisión es suya… Lo que lo haga feliz nos hará felices a nosotros también" pic.twitter.com/30AVY99KE5