Озил прифатил да добива петпати помала плата само за да игра во Фенербахче?

Љубовта на Озил кон Фенербахче е голема, тој за овој клуб навива откако почнал да гледа фудбал и за него е сон што ќе го носи дресот на турскиот гигант.

Информациите велат дека неговата годишна плата во Фенербахче ќе биде три милиони евра, а во Арсенал заработуваше 16 милиони евра.

Тоа повеќе од петпати помала плата, но поранешниот германски репрезентативец заработил доволно во својата кариера, па големото намалување на платата нема да биде некој финансиски удар за него.