Иднината на
Кристијано Роналдо и понатаму е знак прашалник, Манчестер јунајтед е на ставот
дека напаѓачот нема да замине, додека пак медиумите секој ден шпекулираат дека Португалецот
и неговиот агент Жорж Мендеш бараат нов клуб.
Баерн Минхен се
посочуваше како една од можните дестинации, Кристијано Роналдо се најавуваше
како замена за Роберт Левандовски, но од таборот на „баварците“ во неколку наврати
порачаа дека нема да го ангажираат ЦР7.
Сепак, внимане
сега привлекува активноста на фудбалерите на Баерн Минхен на социјалните мрежи,
дури осум фудбалери почнаа да го следат Кристијано Роналдо на Инстаграм.
Се работи за
Томас Милер, Лерој Сане, Марсел Сабицер, Џамал Мусиала, Леон Горецка, Серж Гнабри,
Џошуа Кимих и Рајан Гравенберх.
Ова се толкува
како знак дека тие можеби ќе делат соблекувална, па останува да се види дали
зад сцената се крчка голем трансфер.