Оле Гунар Солшер има повеќе животи од мачка

Интересна споредба направи францускиот новинар на „Ла Паризиен“ и „ЕСПН“, Жулиен Лорен кој го спореди Оле Гунар Солшер со мачка.

Манчестер јунајтед игра променливо, а норвешкиот стратег кога ќе дојде на работ на отказ секогаш прикажува брилијантен перфроманс, победува неколку мечеви во серија и останува на клупата. 

„Оле Гунар Солшер има повеќе животи од мачка. Секогаш кога ќе помислите дека ќе добие отказ, дека веќе е готово, тој ќе излезе со моќен колективен перформанс. Така беше и против Евертон иако тие без Ришарлисон не се истиот тим. Кога мислите дека е готово, Јунајтед и Солшер играат како што треба“, вели Жулиен Лорен.