Француската полиција открила неверојатен криминален план во кој главна улога имал 18-годишен затвореник, кој од својата ќелија, наводно, организирал киднапирања на богати и познати лица. Меѓу потенцијалните мети се нашол и фудбалскиот ас Килијан Мбапе, објави францускиот весник „Ле Паризиен“.
Според информациите на француските медиуми, осомничениот, идентификуван како Клеман Л., преку „Снепчет“ комуницирал со соработници кои биле на слобода. Користејќи го псевдонимот „Лестер З“, тој, наводно, им давал инструкции за реализација на криминалните планови.
Случајот бил откриен откако затворските власти му пронашле два мобилни телефони во ќелијата. По анализата на уредите, истражителите дошле до материјал кој дополнително ја алармирал полицијата.
Имено, во телефоните бил пронајден список со имиња и домашни адреси на 26 богати лица кои, според сомнежите на истрагата, биле потенцијални цели за киднапирање и изнуда. На списокот, меѓу останатите, се наоѓале и познат трговец со месо на големо и еден познат часовничар.
Сепак, посебно внимание предизвикала адресата на Килијан Мбапе. Името на ѕвездата на Реал Мадрид и капитенот на француската репрезентација се нашло меѓу потенцијалните жртви.
🔵INFO LE PARISIEN | En prison pour vol en bande organisée et proxénétisme, un jeune homme de 18 ans projetait de s’en prendre à 26 personnes
— Le Parisien (@le_Parisien) September 2, 2026
Cette bande projetait d’enlever et d’agresser des chefs d’entreprise, mais aussi un rappeur et… le footballeur Kylian Mbappé
➡️… pic.twitter.com/GYzxRCmgVx