Ултрасите на Јувентус, собрани на јужната трибина (Curva Sud) на стадионот „Алијанц“, донесоа одлука да го бојкотираат претстојниот првенствен натпревар против Лацио, закажан за недела, 18 октомври. Оваа одлука доаѓа како директен одговор на полициската акција, по која следуваше бран казни за учесниците во нередите пред градското дерби против Торино во мај годинава.
Така, тимот што го предводи Лучано Спалети од клупата ќе остане без организирана поддршка од трибините на важниот дуел против римскиот клуб.
Повод за реакцијата на ултрас-групата е неодамнешната акција на италијанската полиција, во рамките на која биле изречени повеќе од 20 мерки за задолжително престојување на одредено местои околу 40 забрани за пристап до спортски објекти.
Полициската интервенција се однесува на жестоките судири меѓу навивачките групи што избувнаа на 24 мај, непосредно пред натпреварот Торино – Јувентус, во последното коло од сезоната 2025/26. Во инцидентите беше повреден и еден навивач, а надлежните органи, по повеќемесечна истрага, одлучија остро да ги санкционираат учесниците.