Севиља е специјалист за освојување на трофејот од Лига Европа, шесто финале, шеста титула, овој пат го победија Интер со 3-2.
По мечот Навас со многу емоции, со солзи во очите ја даде изјавата.
„Да се крене овој трофеј како капитен на мојата Севиља ми значи премногу, ова е за моите пријатели кои не се тука веќе меѓу нас, како Хозе Антонио Рејес“, вели Навас.
„Го заслуживме трофејот. Се боревме цела година, имавме потешкотии како и сите други, но излегувавме од нив, од ден на ден станувавме подобри. Фановите го заслужија тоа, сега треба да уживаме“.
Во центарот на вниманието беше и Лопетеги, тренерот кој доби отказ како селектор на Шпанија на само два дена пред почетокот на Светско првенство, а потоа и од Реал Мадрид за кратко време беше отпуштен.
„Лопетеги работи 24 часа во денот за Севиља, тој го извади најдоброто од нас“, заврши Навас.